सुनखानी — कालिनाग माध्यमिक विद्यालयले आफ्नो शैक्षिक सेवा सुदृढीकरणका लागि विद्यालय बस सेवा सञ्चालन गर्ने भएको छ। बस उद्घाटनका लागि विशेष कार्यक्रम यही मंसिर २६ गते बिहान १० बजे विद्यालय परिसरमा आयोजना गरिने विद्यालयले जनाएको छ।

कार्यक्रममा बागमती प्रदेशका पूर्व आर्थिक मामिला तथा योजना मन्त्री तथा प्रदेश सभा सदस्य कुन्दनराज काफ्ले रहने जनाइएको छ ।

उद्घाटन समारोहमा जनप्रतिनिधि, विद्यालयका पूर्व पदाधिकारी, शिक्षक–अभिभावक, समाजसेवी, विभिन्न संघ–संस्था, अभिभावक तथा स्थानीयवासीहरूको सहभागिता रहने विद्यालयले जनाएको छ।

कार्यक्रममा बाल सांस्कृतिक प्रस्तुति, थामी समुदायको विशेष प्रस्तुति, फ्यान्सी डान्स र लोक–दोहोरी सहित आकर्षक प्रस्तुतिहरू समावेश गरिएका छन्।

विद्यालयका प्रधानाध्यापक ऋषि राम शर्माका अनुसार नयाँ बस सेवा सञ्चालनले विद्यार्थीहरूको सिकाइ यात्रा थप सहज र सुरक्षित हुने विश्वास लिइएको छ।